Размер:
AAA
Кернинг:
КK К K К  K
Цвет: CCC
Изображения Вкл.Выкл.
Обычная версия сайта
Версия для слабовидящих

8 мая. Традиционная школьная акция «Автобус Победы».

Бүгүн, ыам ыйын 8 күнүгэр, Суотту орто оскуолатын коллектива иккис сылын “Кыайыы автобуһа” акциянан Суотту нэһилиэгин олохтоох тыыл, үлэ ветераннарын, коллективпыт сэрии кэмин оҕолорун эҕэрдэлии таҕыстыбыт. Оскуола үөрэнээччилэрэ оҥорбут Кыайыы открыткаларын, Кыайыы дьаралыктаах суумкаларн толору бэлэхтээх, былырыыҥҥы акция өйдөбүнньүк хаартыскалардаах бэлэҕи ууннубут. Анал маршрут оҥоһуллан, үлэ, тыыл ветераннара И.С. Оконешников, А.В. Оконешникова, сэрии кэмин оҕото Е.М. Дьяконова дьиэлэриттэн саҕалаан айаннаатыбыт. Салгыы тыыл, үлэ ветерана М.Н. Кривогорницынаҕа, А.С. Алексееваҕа, В.С. Решетниковаҕа, сэрии кэмин оҕолоро С.С. Степановаҕа, М.И. Харабаеваҕа, С.С. Мордовскойга, М.Н. Абрамовка, П.П. Заровняевка, тыыл ветерана А.Н. Татариноваҕа таарыйан, эҕэрдэлээн, өйдөбүнньүк хаартыскаҕа түстүбүт. Салгыы Хоноҕорго, Кыһыл Кырдалга үлэ, тыыл ветерана А.Н. Заровняева, А.Н. Прохорова, А.В. Татаринова, С.В. Захарова эҕэрдэлэри туттулар. А.Н. Никонова, В.С. Прудецкай, М.В. Заровняева, Р.Р. Кулаковская оҕолоругар таарыйан, эҕэрдэ анаатыбыт. Бу тэрээһиҥҥэ 9 кылаас үөрэнээччилэрэ Люба, Мила Аммосовалар, Е.В. Портнягина уонна десант кыттыылаахтара, оскуолабыт администрациятын үлэһиттэрэ, профкомун чилиэннэрэ, “Катюша” ырыанан, үҥкүүнэн музыкальнай эҕэрдэ тириэртибит. Күндү, ытыктыыр дьоммут кэтэһэн, ким дьиэтин түннүгүнэн, ким тэлгэһэҕэ, балкоҥҥа тахсан, көрөн, далбаатаан, харда тыл, махтал этэн, акциябыт сыала-соруга ситтэ. Барыгытын Кыайыы күнүнэн эҕэрдэлээн туран, үтүө доруобуйаны, дьоллоох эйэлээх олоҕу баҕарабыт.